承上篇，讀者投稿《唔錫住新抱奶奶篇》
事隔年半後，我有左bb, 响懷孕的過程，老爺奶奶煮盡所有我唔可以食同唔好食太多的野食，例如明知我抽筋佢地就餐餐通菜，生冷野、寒涼野、熱氣、冇營養野樣樣齊，然後見我唔食d燶過包青天的腸就同d麻雀腳講我嫌3嫌4。同一間屋住，知道有大肚婆就企理d啦？sorry冇囉，手洗完的衫，條水路由廁所流到去露台，係流呀唔係滴呀！樓梯放滿哂呀奶奶d鞋，等我8個月大肚仲要誇幾級樓梯!
到生果日，佢黎探bb, 一入黎就梗係話呀b似邊個邊個親戚啦、似佢隻狗啦、似邊隻毛公仔啦，總知就係似哂全世界就唔可以似我呢個呀媽啦。到佢驚覺間產後房有我呢個物體存在時，第一句就話: 嘩我唔認得你呀！ 乜咁啱呀奶奶? 我都唔太想認得你!
成日叫我地send bb相比佢睇，睇完又冇句好說話，永遠都係話好醜、好肉酸、好似 ET，一d都唔似佢，又唔似佢生得個仔細個咁可愛，但明明全世界都話bb似爸爸。咁即係點呢呀奶奶? 最靚你啦、最叻生仔係你啦！叫你一聲白雪公主啦好冇?
退一步海闊天高。
Search